Әлмәттә наркопритон оештыручыны хөкем иттеләр
39 яшьлек М. каты режимлы колониягә җибәрелү шарты белән 1,5 елга ирегеннән мәхрүм ителде, дип хәбәр итә ТР буенча РФ прокуратурасы матбугат хезмәте.
Суд ир-атның 2013 елның декабреннән алып 2014 елның июленә кадәр үз фатирында наркотиклар әзерләү һәм куллану өчен притон тотуын билгели. Наркоконтрольнең рәсми рәвештә кисәтүенә дә карамастан, ул бу гамәленнән баш тартмый.
Суд утырышында М. үз гаебен тулысынча таный. Хөкем карары үз көченә керде.