Modric: Məni bu zülmdən Mourinho qurtardı
Luka Modric yayımladığı avtobioqrafiyasında Real Madrid`ə keçid dövrünü xatırlayıb. O, transferində sabiq baş məşqçisi Jose Mourinho`nun böyük rol oynadığını vurğulayıb. ONBİR xorvatiyalı ulduzun avtobioqrafiyasındakı həmin hissəni təqdim edir: “Transfer danışıqları çox çətin keçdi. Karyeram boyu həmişə peşəkar olmuşam. İndi geriyə baxanda başa düşürəm ki, prezident Levy`nin sözünü tutması üçün başqa bir əlacım yox idi. Ondan […]
The post Modric: Məni bu zülmdən Mourinho qurtardı appeared first on ONBİR.
Luka Modric yayımladığı avtobioqrafiyasında Real Madrid`ə keçid dövrünü xatırlayıb.
O, transferində sabiq baş məşqçisi Jose Mourinho`nun böyük rol oynadığını vurğulayıb.
ONBİR xorvatiyalı ulduzun avtobioqrafiyasındakı həmin hissəni təqdim edir:
“Transfer danışıqları çox çətin keçdi. Karyeram boyu həmişə peşəkar olmuşam. İndi geriyə baxanda başa düşürəm ki, prezident Levy`nin sözünü tutması üçün başqa bir əlacım yox idi. Ondan soruşanda ki, “Prezident, verdiyin vədlər necə olacaq?” Həmişə mənə “həll edərik” deyərdi. Sonra da transfer danışıqları etməmək üçün həmişə bir bəhanə tapardı.
Təmsilçilərim məni hər mövzuda məlumatlandırırdı. Eyni zamanda Jose Mourinho da. Levy onları əsəb etmişdi. Nə vaxt bir razılaşma əldə olunsa, Levy Real Madrid`dən başqa bir şey istəyirmiş.
Çox stres keçirirdim, ailəm də narahat idi. Təmsilçilərim mənə 2 dəfə zəng vuraraq transferin həll olunduğunu və Madridə gedəcəyimi söylədilər. Mən də hazırlanıb aeroporta gedəndə bir problem çıxdı və transfer təxirə salındı. Bu vəziyyət ikinci dəfə təkrar olanda artıq səbrim də tükənmək üzrə idi. Levy heç ədalətli deyildi, bu vəziyyət bir işgəncəyə bənzəyirdi.
Danışıqlar davam edərkən Real Madrid`in transferimdən vaz keçməsindən qorxurdum. Elə bu an Mourinho özünü göstərdi. Məni Real Madrid`ə gətirməyə qərarlı idi. Klub rəhbərliyi bu danışıqlardan sıxılmağa başlasa da, Mourinho qərarlı idi. Şəxsən özü Levy`ə zəng vurdu və onu razı saldı. Məni bu zülmdən o qurtardı”.
The post Modric: Məni bu zülmdən Mourinho qurtardı appeared first on ONBİR.