Aşkarlanan yeni yoluxma sayı 630 olub...
Son gündə Azərbaycanda koronavirus (COVID-19) infeksiyasına 630 yeni yoluxma faktı qeydə alınıb, bu virusa yoluxanlardan isə 521 nəfərin sağaldığı açıqlanıb. COVID-19 üçün götürülən analiz nümunələri müsbət çıxan 6 nəfər də vəfat edib.
Bu barədə məlumatı yanvarın 8-də Nazirlər Kabineti yanında Operativ Qərargah yayıb.
Qərargahdan habelə, vurğulandığına görə, indiyə kimi ölkədə ümumilikdə 620 min 679 nəfərin koronavirus infeksiyasına yoluxması faktı müəyyən edilib, onlardan 605 min 58-si sağalıb, 8 min 437-si vəfat edib, aktiv xəstə sayı 7 min 184-ə düşüb.
Xatırlatma
2019-cu ilin sonlarında dünyada yeni koronavirus aşkar edilib. 2020-ci il martın 11-də Dünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusdan indiyə qədər 5.4 milyondan çox şəxsin vəfat etdiyi açıqlanıb.