Выстаўка прайшла — кнігі засталіся

32 краіны-ўдзельніцы, кнігі ад 360 экспанентаў, каля 30 тысяч наведвальнікаў, больш за 240 мерапрыемстваў — такой запомніцца XXV Мінская міжнародная кніжная выстаўка-кірмаш. Юбілейная выстаўка была прысвечана Году малой радзімы. І нядзіўна, што шмат якія выданні мелі мэту паказаць Беларусь, яе багацце — гістарычнае, кніжнае і літаратурнае ў прыватнасці. Пра гэта парупіліся айчынныя выдавецтвы і нават замежныя экспаненты.