Алексіевіч: Калісьці трэба будзе судзіць адказных за расейскую тэлевізію

Адказных за расейскае тэлебачанне патрэбна будзе судзіць. Такое меркаванне беларуская пісьменніца, лаўрэатка Нобелеўскай прэміі па літаратуры 2015 года Святлана Алексіевіч выказала ў інтэрв’ю  „Радио НВ”.

„Гэта людаедства сёння – забіваць, як забіваюць ва Украіне. Спрачайцеся, сустракайцеся, размаўляйце…палітыкі. А людзі, народная дыпламатыя…гэта ж на роўні глыбокага народнага быцця, калі яго, канешне не дазаваць тэлевізіяй (тое, што робяць зараз у Расеі), нянавісці няма.

Антыеўрапеізм, антыукраінізм вельмі адчуваюцца. Звычайнаму чалавеку цяжка гэтаму супрацьстаяць, калі гэта ўпырскваецца пастаянна з дня ў дзень. Я мяркую, што некалі трэба будзе судзіць тых, хто сёння працуе на расейскай тэлевізіі”.