Брытанцы прадставілі антыген для барацьбы з каронавірусам

Брытанская кампанія The Native Antigen Company прадставіла антыген для барацьбы з каронавірусам COVID-19. Пра гэта паведамляе нямецкая тэлерадыёкампанія Deutsche Welle.

Глікапратэіны S1 і S2, атрыманыя ў выніку пераразмеркавання генетычнага матэрыялу, могуць быць выкарыстаны пры правядзенні даследаванняў і распрацоўцы метадаў лячэння і вакцын. Антыгенам называюць любое рэчыва, супраць якога арганізм звычайна пачынае выпрацоўваць ўласныя антыцелы. Як правіла, антыгены з’яўляюцца бялкамі або поліцукрыдамі і ўяўляюць сабой часткі бактэрыяльных клетак, вірусаў і іншых мікраарганізмаў.

Кіраўнік Сусветнай арганізацыі аховы здароўя (СААЗ) Тэдрас Аданам Гебрэйесус 11 лютага заявіў, што першая вакцына супраць каронавіруса новага тыпу можа быць створана праз 18 месяцаў. У гэты ж дзень СААЗ прысвоіла назву COVID-19 (ад англ. Corona VIrus Disease 2019) вірусу новага тыпу, раней вядомаму як 2019-nCoV. Як паведамлялася, па стане на 12 лютага лік заражаных новым каронавірусам ў Кітаі перавысіў 44,6 тыс. чалавек, 1 113 памерлі, акрыялі 4 740.