Расейскія службы забаранілі ўвозіць грушы з Гарадзеншчыны

Рассельгаснагляд з 21 кастрычніка ўводзіць забарону на ўвоз у Расею свежых груш, якія вырашчаныя або экспартуюцца з Гарадзенскай вобласці. Абмежаванне будзе дзейнічаць да часу правядзення перамоваў з беларускім бокам адносна ўсё больш частых спробаў увозу пад выглядам беларускай прадукцыі груш з краін, якія трапілі пад расейскія санкцыі.

Так, расейскія службы ў Смаленскай вобласці выявілі падазроныя 19 тон груш, у сертыфікаце на якія пазначаўся Шчучынскі раён. Сертыфікат пацверджаны беларускай Дзяржаўнай інспекцыяй па насенневодстве, каранціне і ахове раслін. Аднак інспектары заўважылі, што са скрыняў з грушамі былі сарваныя маркіроўкі, а на трох скрынях знайшлі этыкеткі, паводле якіх грушы паходзяць з Польшчы.

Беларускае Радыё Рацыя