Праваабаронцы “Вясны” – пра Нобелеўскую прэмію Алесю Бяляцкаму

Акрамя Алеся Бяляцкага з ПЦ “Вясна”, лаўрэатамі Нобелеўскай прэміі міру сталі ўкраінскі "Цэнтр Грамадзянскіх Свабод" і расейская праваабарончая арганізацыя "Мемарыял".

Artykuł Праваабаронцы “Вясны” – пра Нобелеўскую прэмію Алесю Бяляцкаму pochodzi z serwisu БЕЛАРУСКАЕ РАДЫЁ РАЦЫЯ.

Праваабаронцы “Вясны” падзяліліся сваімі думкамі з нагоды атрымання іх старшынём—Алесем Бяляцкім — Нобелеўскай прэміі міру:

-Проста выбуховая радасць ад таго, што адзначылі кіраўніка нашай арганізацыі вельмі ганаровай прэміяй!

-Гэта першы Нобелеўскі лаўрэат, які гаворыць і карыстаецца беларускай мовай. Менавіта такім і павінен быць чалавек – Нобелеўскі лаўрэат ад Беларусі.

Акрамя Алеся Бяляцкага з Праваабарончага цэнтра “Вясна”, лаўрэатамі Нобелеўскай прэміі міру сталі ўкраінскі „Цэнтр Грамадзянскіх Свабод” і расейская праваабарончая арганізацыя „Мемарыял”. Гэта нездарма, лічаць праваабаронцы “Вясны” Аляксей Колчын і Алена Маслюкова:

-Гэта і ёсць тое пасланне, якое нам дасылае Нобелеўскі камітэт. І, канешне, гэта звязана з той сітуацыяй, якая склалася ў нашых краінах, з вайной, з апошнімі рэаліямі, у якіх жывуць нашыя краіны.

-Гэта рэгіёны, у якіх ёсць праблемы з правамі чалавека. Вельмі важна было адзначыць унёсак кожнай з гэтых арганізацый у справу абароны правоў чалавека.

У Камітэце Нобелеўскай прэміі адзначылі, што Алесь Бяляцкі быў адным з ініцыятараў дэмакратычнага руху, які ўзнік у Беларусі ў сярэдзіне 1980-х. Ён прысвяціў сваё жыццё прасоўванню дэмакратыі і мірнага развіцця ў сваёй краіне. 

Беларускае Радыё Рацыя

Artykuł Праваабаронцы “Вясны” – пра Нобелеўскую прэмію Алесю Бяляцкаму pochodzi z serwisu БЕЛАРУСКАЕ РАДЫЁ РАЦЫЯ.