Вялікабрытанія абвясціла новы пакет санкцый супраць Беларусі

Вялікабрытанія абвясціла пра новы пакет санкцый супраць уладаў Беларусі за яе падтрымку расейскага ваеннага ўваравання ва Украіну, уключаючы забарону на імпарт і новыя захады, накіраваныя на прадухіленне інтэрнэт-прапаганды, паведамляе Reuters.

Новы пакет прадугледжвае забарону на імпарт золата, цэменту, драўніны і каўчуку з Беларусі і блакаванне экспарту ў Беларусь з Вялікабрытаніі банкнот і машын, а таксама тавараў, тэхналогій і матэрыялаў, якія могуць быць выкарыстаныя для вытворчасці хімічнай і біялягічнай зброі.

Урад Брытаніі таксама будзе прымаць захады па барацьбе з тымі, хто абыходзіць санкцыі.

Artykuł Вялікабрытанія абвясціла новы пакет санкцый супраць Беларусі pochodzi z serwisu БЕЛАРУСКАЕ РАДЫЁ РАЦЫЯ.