Польшча зафіксавала найбольшую за 2,5 тыдня актыўнасьць мігрантаў зь Беларусі

Найбольшую за апошнія 2,5 тыдня актыўнасьць нелегальных мігрантаў зафіксавала 8 студзеня памежная ахова Польшчы, сьведчыць праведзены «Позіркам» яе апэратыўных штодзённых зьвестак.

Адзначана 5 спробаў пераходу з беларускай тэрыторыі. Больш апошні раз было 21 сьнежня — 10.

25 сьнежня была папярэджана 1 спроба, 28-га — 2; 3 і 7 студзеня — па 1, у астатнія дні — ніводнай.

Латвія не фіксуе спробаў незаконнай міграцыі дзевяць дзён — з 31 сьнежня.

Літва мінулым днём не адзначала спробаў нелегальнага пераходу сваёй мяжы з Беларусі, 7 студзеня паведаміла пра 10 спробаў.

За 2025 год суседнія краіны Эўразьвязу, як паказаў праведзены «Позіркам» аналіз зьвестак іх памежных службаў, прадухілілі 42.714 спробаў мігрантаў незаконна перасекчы мяжу з беларускай тэрыторыі. Гэта на 17,7% больш, чым у 2024 годзе, і на 1,5% больш, чым у 2023-м.