Шарамкоў заваяваў серабро ў вольных практыкаваннях на этапе Кубка свету ў Германіі

Лідар нашай мужчынскай каманды падняўся на подыум па выніках спаборніцтваў у сваім каронным відзе - вольных практыкаваннях. Шарамкоў прайшоў кваліфікацыю з другім рэзультатам, у фінале Ягор набраў 14,400 бала і таксама заняў другое месца. Пераможца Арцём Далгапят з Ізраіля зарабіў усяго на адну дзясятую ачка больш. Тройку прызёраў замкнуў расіянін Аляксандр Карцаў (13,900).