Нохчийчохь еза чов йина урс карахь охьакхеттачу кIантана

Бохам хилла Нохчийчохь велиспятца араваьллачу 11 шо долчу кIантаца боьзна. ХIунда делахь а, хахкавала араволуш цо шен караэцна хилла урс. ЦIеххьана галваьлла велиспетан тIера охьакхетта иза, нисса урсана тIе а вужуш.


БIаьрга кIелхула чудахана урс а долуш, иза сихонца дIакхачийна Соьлж-ГIаларчу номер 4 йолчу дарбанан хIусаме. Говза лоьраш каде хьовзарна кхин тIаьхьало йоцуш дIайирзина операци. Цара дийцарехь, уьрсан буьхьиг хьена тIекхача йисина ца хилла масех миллиметр а бен. БIаьрса а ца духуш дисина.


Болчу хаамца, дархо цIавахийтина лоьраша дарбанан хIусамера.