Нохчийчохь юха а билгало бухаяккхарна комментари йина Даудовс
Даудовс дIахьедар дина, и билгало юхаметтахIоттор ю аьлла.
"ХIара тхан латта, тхан территори ю. Тхо цхьаьнца а къуьйсуш дац. <…> ХIун дан гIерташ бу и нах? ТIом беза шуна? ДIа мукъане а кхайкхадайша, шайна тIом беза аьлла. Вай бусалбанаш ду, вайн доттагIалла лело деза вайн дайша а, дедайша а лелийна ма хиллара", - аьлла Даудовс.
Кху беттан 12-чу дийнахь видео гучуелира Нохчийчуьрчу Шелковски кIоштахь йохина некъан билгало а йолуш. Хьалхо цу тайппа билгало бухаяьккхинера Дагестанерчу ГIизларна а, оццу Шелковски кIоштана а юкъахь лаьтташ йолу.