زلنسکی: برای تأمین صلح در اوکراین وحدت بین اتحادیهٔ اروپا و امریکا ضروری است

ولودیمیر‌ زلنسکی، رئیس‌جمهور اوکراین، روز پنجشنبه ۲۹ قوس در نشست رهبران کشورهای عضو اتحادیهٔ اروپا در شهر بروکسل پایتخت بلجیم، گفت که وحدت بین اتحادیهٔ اروپا و ایالات متحدهٔ امریکا، برای تأمین صلح در اوکراین ضروری است.


بر اساس خبرگزاری رویترز، زلنسکی همچنین گفت که اوکراین، برای دستیابی به صلح به این وحدت نیاز دارد و او فکر می‌کند که ایالات متحدهٔ امریکا و اتحادیهٔ اروپا با هم می‌توانند واقعاً پوتین را متوقف ساخته و اوکراین را نجات دهند.


به گفتهٔ زلنسکی، حفاظت از سکتور انرژی، افزایش تولید اسلحه در اوکراین و کمک عاجل برای سیستم آموزشی، در اجندای کاری این سفر او قرار دارد.