Մարիո Բալոտելի. Կցանկանայի խաղալ Նապոլիում
Ֆրանսիական «Նիսի» հարձակվող Մարիո Բալոտելին խոսել է Իտալիայի Ա Սերիայում տիրող իրավիճակի մասին:
«Չեմ մտածել «Ինտեր» վերադառնալու մասին: Չգիտեմ՝ «Նապոլի»-«Ինտեր» խաղում ով կհաղթի, բայց վստահ եմ, որ հիանալի հանդիպում կստացվի: Երբեք չեմ վերադառնա «Միլան»: Պետք է նշեմ, որ այնտեղ տեղափոխվելուց առաջ կարող էի հայտնվել «Յուվենթուսում»: Սկզբում խոսել էի թուրինցիների ղեկավարների հետ, բայց վերջին պահին ընտրել եմ միլանյան ակումբը:
«Ռոման» հիանալի ակումբ է, սակայն ես կցանկանայի խաղալ «Նապոլիում»: Նեապոլցիները հիանալի հարձակվողական եռյակ ունեն և այդ ֆուտբոլիստները միմյանց շատ լավ են հասկանում: Հուսով եմ, որ նրանք կհաղթեն առաջնությունում»,- Բալոտելիի խոսքերը մեջբերում է «Football Italia»-ն: