Ճապոնիային է մոտենում մոլորակի հզորագույն թայֆունը

Խաղաղ և Ատլանտյան օվկիանոսներում մոլեգնող «Լեն» սուպեր թայֆունը 185 կմ/ժամ արագությամբ մոտենում է Ճապոնիայի արևելյան ափերին և րոպե առ րոպե կարող է հարվածել ծագող արևի երկրին:

Ինչպես հաղորդում է CBS News-ը՝ վկայակոչելով Ճապոնիայի օդերևութաբանական գործակալությանը, «Լեն» թայֆունը կիրակի կարող է հասնել մայրաքաղաք Տոկիոյին: Այն ներկա պահին Երկրի ամենահզոր թայֆունն է:

Հորդառատ անձրևներ են տեղում Ճապոնիայի հարավում գտնվող Նանսեյ կղզում: Առատ անձրևների հավանականություն կա ևս մի քանի շրջաններում: Եղանակային այս երևույթն ուղեկցվում է կայծակներով: