Բարսելոնան երկու անպատասխան գնդակ ուղարկեց Մալագայի դարպասը (տեսանյութ)

Իսպանիայի առաջնության 9-րդ տուրում կատալոնական «Բարսելոնան» «Կամպ Նոու» ստադիոնում ընդունեց «Մալագային»:

Հանդիպումն ավարտվեց Էռնեստո Վալվերդեի գլխավորած թիմի հաղթանակով: Տանտերերը երկու անպատասխան գնդակ ուղարկեցին «Մալագայի» դարպասը:

Արդեն 2-րդ րոպեին Լուկա Դինի փոխանցումից հետո գոլով աչքի ընկավ Ժերար Դելոֆեուն: Երկրորդ խաղակեսի սկզբնամասում Անդրես Ինիեստան կրկնապատկեց հանդիպման հաշիվը: 

Նշենք, որ վերջին անգամ Ինիեստան Լա լիգայում գոլի հեղինակ էր դարձել 2015 թվականի նոյեմբերի 21-ին («Ռեալ»):

Այս խաղից հետո «Բարսելոնան» վաստակած 25 միավորով շարունակեց գլխավորել մրցաշարային աղյուսակը: «Մալագան» 1 միավորով մնաց 20-րդ տեղում:

«Բարսելոնա»-«Մալագա»` 2:0

Գոլերը` Դելոֆեու (2), Ինիեստա (56)