Օզզի Օսբորնը վերջին 10 տարում առաջին ալբոմն է թողարկել
Բրիտանացի հանրահայտ ռոք-երաժիշտ Օզզի Օսբորնը թողարկել է վերջին տաս տարվա ընթացքում իր առաջին ալբոմը, որում տեղ գտած երգերը հայտնվել են բոլոր միջազգային երաժշտական հարթակներում:
Ինչպես հաղորդում է Корреспондент-ը, Ordinary Man անվանումը ստացած ալբոմում 11 ստեղծագործություն է ընդգրկել, որոնց մի մասը երաժիշտը ներկայացրել էր ավելի վաղ: Դրանց թվում է Էլթոն Ջոնի հետ համատեղ կատարմամբ ներկայացված գլխավոր երգը:
Սա Օսբորնի 12-րդ ստուդիական ալբոմն է: Նախորդ ձայնասկավառակը՝ Scream խորագրով, երաժիշտը ներկայացրել էր 2010 թվականին: Դրանից հետո նա վերամիավորվել էր Black Sabbath խմբի հետ՝ համատեղ համերգային շրջագայություններ կատարելու համար: