Արարատի մարզի մի քանի համայնքապետեր հույս ունեն՝ կարող են երկիրը ցնցումների տանելու ճանապարհով վերջապես «փրկել իրենց կաշիները»․ Մարզպետ
Արարատի մարզպետ Գարիկ Սարգսյանը իր ֆեյսբուքյան էջում անդրադարձել է իր ենթակայությամբ գտնվող մի քանի բնակավայրերի ղեկավարների՝ վարչապետի հրաժարականը պահանջելու կոչին ու գրել․ «Հարգանքներս Մասիսի շրջանի (բացառությամբ «քաղաքապետի») և Արտաշատի շրջանի (բացառությամբ Այգեստանի) համայնքապետերին, որոնց մեծամասնությունն իրականում պետականություն կրող անձինք են և հստակ գիտակցում են, թե ինչ պատասխանատու դիրք են զբաղեցնում հասարակության մեջ, և ինչ մարտահրավերներ […]
The post Արարատի մարզի մի քանի համայնքապետեր հույս ունեն՝ կարող են երկիրը ցնցումների տանելու ճանապարհով վերջապես «փրկել իրենց կաշիները»․ Մարզպետ appeared first on MediaLab Newsroom-Laboratory.
Արարատի մարզպետ Գարիկ Սարգսյանը իր ֆեյսբուքյան էջում անդրադարձել է իր ենթակայությամբ գտնվող մի քանի բնակավայրերի ղեկավարների՝ վարչապետի հրաժարականը պահանջելու կոչին ու գրել․
«Հարգանքներս Մասիսի շրջանի (բացառությամբ «քաղաքապետի») և Արտաշատի շրջանի (բացառությամբ Այգեստանի) համայնքապետերին, որոնց մեծամասնությունն իրականում պետականություն կրող անձինք են և հստակ գիտակցում են, թե ինչ պատասխանատու դիրք են զբաղեցնում հասարակության մեջ, և ինչ մարտահրավերներ են մեր երկրի առջև ծառացած։
Դա նրանց կողմից ապացուցվեց նաև պատերազմի ամենաթեժ օրերին, երբ արձագանքելով վարչապետի կոչին, իրենց կողմից կազմած կամավորական ջոկատներով միացան հայրենիքի պաշտպանության գործին և մեկնեցին առաջնագիծ։ Նույնը չեմ կարող ասել Արարատի շրջանի Արմաշ, Սուրենավան, գ. Արարատ, ք. Արարատ, Ավշար, Նոյակերտ, Եղեգնավան, Սիսավան, Լուսառատ, Փոքր Վեդի, Վանաշեն, ք. Վեդի, Ուրցաձոր համայնքների «համայնքապետերի» մասին, որոնց մասին այսօր հայտարարվեց միտինգի ժամանակ։
Վերջիններս ոչ միայն չձևավորեցին կամավորական ջոկատներ և այդ ջոկատներով չմասնակցեցին հայրենիքի պաշտպանության գործին, այլև չեն կարող իրենց իրավունք վերապահել և այդ համայնքների բնակիչների անունից աջակցություն հայտնել հրապարակում հավաքվածներին, քանի որ այս «համայնքապետերը» հանդիսանում են «տեղական օլիգարխի գրպանից կախված անձնավորություններ»։
Վերը նշված «համայնքապետերի» գրեթե կեսի նկատմամբ կան հարուցված քրեական գործեր, մի քանիսն էլ արդեն գտնվում են դատարաններում։ Եվ ամենևին զարմանալի չէ վերջին օրերի նրանց պահվածքը, քանի որ այս մարդիկ հույսով են լցվել, որ կարող են երկիրը ցնցումների տանելու ճանապարհով վերջապես «փրկել իրենց կաշիները»։
Փա՛ռք հերոսներին, արժանի լինենք ապրելու նրանց կյանքի գնով պաշտպանած երկրում»։
The post Արարատի մարզի մի քանի համայնքապետեր հույս ունեն՝ կարող են երկիրը ցնցումների տանելու ճանապարհով վերջապես «փրկել իրենց կաշիները»․ Մարզպետ appeared first on MediaLab Newsroom-Laboratory.