Թաիլանդում չինական Sinovac-ով պատվաստված բուժքույրը վարակվել է կորոնավիրուսով ու մահացել
Թաիլանդում բուժքույրը չինական Sinovac պատվաստանյութով պատվաստվելուց հետո կորոնավիրուսով է վարակվել և մահացել վարակի հետևանքով: Այս մասին հայտնել է Չուլալոնգկորնի անվան համալսարանի նոր հիվանդությունների գիտաբժշկական կենտրոնի պրոֆեսոր Թհիրավաթ Հեմաչութհան, հայտնում է korrespondent.net-ը՝ հղում տալով տեղական Sanook լրատվականին:
Հայտնի է, որ 30-ամյա բուժքույրը պատվաստվել է Sinovac պատվաստանյութի 2 չափաբաժնով, սակայն վարակվել է կորոնավիրուսային վարակով և ախտորոշումից մեկ շաբաթ անց մահացել։ Նա աշխատել է կորոնավիրուսավ վարակված մարդկանց հետ, որոնցից էլ վարակվել է։
«Sinovac-ի 2 չափաբաժին ստացածների շրջանում վարակման դեպքեր գրանցվել են, սակայն հիվանդությունը թեթև են տարել, և նրանցից ոչ ոք չի մահացել», - ասել է պրոֆեսորը։
Հեմաչութհայի ուսումնասիրությունները, որոնք նա հանձնել է Թաիլանդի առողջապահության նախարարությանը, վերաբերում են «Դելտա» հիմնամանրէով վարակման դեպքում Sinovac պատվաստանյութի իմունիզացման բացակայությանը։
Նշվում է, որ Թաիլանդում չինական Sinovac պատվաստանյութով ամբողջությամբ պատվաստված առողջապահության ոլորտի ավելի քան 600 աշխատակիցներ վարակվել են կորոնավիրուսով: