ԱՄՆ-ում ընդունվել է հղիության արհեստական ընդհատման դեմ ամենախիստ օրենքը
Օկլահոմայի նահանգապետ Քևին Սթիթը ստորագրել է նոր օրենք, որն արգելում է հղիության արհեստական ընդհատումը նահանգում։ Միակ բացառությունը մոր կյանքին սպառնացող վտանգն է, բռնաբարության կամ ինցեստի դեպքերը, որոնք գրանցվել են նահանգի իրավապահ մարմինների կողմից: Նոր օրենքը ուժի մեջ կմտնի անմիջապես, գրում է theguardian.com-ը՝ մանրամասնելով, որ սա ԱՄՆ-ում հղիության արհեստական ընդհատման դեմ ամենախիստ օրենքն է:
«Ես Օկլահոմայի բնակիչներին խոստացել եմ, որ կստորագրեմ աբորտների դեմ ուղղված յուրաքանչյուր փաստաթուղթ, որն իմ սեղանին կհայտնվի, և ես հպարտ եմ, որ այսօր կարող եմ կատարել այդ խոստումը», - ասել է Սթիթը:
Աղբյուրը նկատում է, որ ոչ բոլորն են պաշտպանում աբորտն արգելելու այս որոշումը. 2022 թվականի մայիսին ամերիկուհիները բողոքի ալիք են բարձրացրել այս հարցի շուրջ: Շատերը վախենում են, որ 1973 թվականի Գերագույն դատարանի որոշումը, որն արգելում էր դաշնային մակարդակում հղիության արհեստական ընդհատման իրավունքների սահմանափակումները, կարող է չեղարկվել: