Թբիլիսիի դատարանը մերժեց Միխեիլ Սաակաշվիլիին ազատ արձակելու դիմումը
Թբիլիսիի քաղաքային դատարանը փետրվարի 6-ին մերժել է Վրաստանի նախկին նախագահ Միխեիլ Սաակաշվիլիին առողջական վիճակի վատթարացման կապակցությամբ բանտից ազատ արձակելու դիմումը:
Դատավոր Գիորգի Արևաձեն ասաց, թե 15 լսումների ընթացքում 24 վկաներ են հարցաքննել, ելույթ են ունեցել պաշտպանները, «բայց նրանք այդպես էլ չեն ներկայացրել հայտը բավարարելու համար անհրաժեշտ փաստարկներ»:
Դատավոր Արևաձեն տեղեկացրեց, որ փաստաբանները կարող են 20 օրում բողոքարկել այդ վճիռը:
Փաստաբանները հայտարարեցին, որ Սաակաշվիլին դատավորի որոշումը տվյալ հանգամանքներում համարում է «մահվան դատավճիռ»: