ՀՀ ԱԳ նախարար Արարատ Միրզոյանն իր ամերիկացի գործընկերոջը՝ պետքարտուղար Էնթոնի Բլինքենին, շնորհավորել է ԱՄՆ-ի Անկախության օրվա առթիվ` գրառում կատարելով X-ում։ «Շնորհավոր Միացյալ Նահանգների և նրա ժողովրդի Անկախության օրը: ԱՄՆ-ում մեր ընկերներին և գործընկերներին շարունակական հաջողություն ենք մաղթում՝ ձգտելով կառուցել Հայաստան-ԱՄՆ ամուր ռազմավարական գործընկերություն՝ հօգուտ մեր քաղաքացիների, ավելի կայուն և բարգավաճ Հարավային Կովկասի»:
