Իսրայելը կարող է Իրանին զսպելու համար կանխարգելիչ հարված հասցնել, եթե ունենա հստակ ապացույցներ, որ Թեհրանը պատրաստվում է հարձակման: Այս մասին, ինչպես գրում է timesofisrael.com-ը, հաղորդում են իսրայելական լրատվամիջոցները այն բանից հետո, երբ վարչապետ Բենիամին Նեթանյահուն կիրակի երեկոյան Իսրայելի անվտանգային կառույցների ղեկավարներին հրավիրել է հանդիպման:
Հանդիպումը, որին մասնակցել են Իսրայելի պաշտպանության նախարար Յոավ Գալանտը, պաշտպանության բանակի շտաբի պետ Հերզի Հալևին, Մոսադի ղեկավար Դեյվիդ Բարնեան և Շին Բեթի ղեկավար Ռոնեն Բարը, կայացել է Իրանի և նրա լիբանանյան դաշնակից Հեզբոլլահի կողմից Իսրայելի վրա ակնկալվող հարձակումների նախապատրաստման ֆոնին:
Իրանը, նրա լիբանանյան դաշնակից «Հեզբոլլահ»-ը և պաղեստինյան ՀԱՄԱՍ-ն Իսրայելին մեղադրում են չորեքշաբթի Թեհրանում ՀԱՄԱՍ-ի առաջնորդ Իսմայիլ Հանիեի սպանության համար: Նրա սպանությունը տեղի է ունեցել մի քանի ժամ անց այն բանից հետո, երբ Բեյրութում Իսրայելի հասցրած հարվածից սպանվել էր «Հեզբոլլահ»-ի ռազմական ղեկավար Ֆուադ Շուքրին: Իսրայելը ստանձնել է Շուքրի սպանության պատասխանատվությունը, սակայն պաշտոնապես չի մեկնաբանել Հանիեի սպանությունը: Թե՛ Իրանը, թե՛ «Հեզբոլլահ»-ը խոստացել են վրեժխնդիր լինել սպանությունների համար:
Իսրայելը հստակ չգիտի, թե ինչ սպասել Իրանից և նրա դաշնակիցներից, ուստի քննարկում է տարբերակների լայն շրջանակ, թե ինչպես կարող է լավագույնս արձագանքել կամ կանխել ակնկալվող հարձակումը:
Նեթանյահուի հետ հանդիպման ժամանակ քննարկվել է Իրանին հարվածելու տարբերակը՝ որպես զսպման միջոց, հաղորդում է Ynet-ը, թեև անվտանգության պաշտոնյաներն ընդգծել են, որ նման քայլը կթույլատրվի միայն այն դեպքում, եթե Իսրայելը ստանա հստակ հետախուզական տվյալներ, որոնք կհաստատեն, որ Թեհրանը պատրաստվում է հարձակվել։
Անհրաժեշտ է նաև, որ իսրայելական հետախուզության տվյալներն այս հարցի վերաբերյալ համապատասխանեն ԱՄՆ հետախուզության տվյալներին, բայց նույնիսկ եթե դրանք համընկնեն, Իսրայելը, այնուամենայնիվ, կարող է կանխարգելիչ հարվածի չդիմել:
Ավելի վաղ իսրայելական մամուլը գրել էր, որ Իսրայելը պատրաստվում է Իրանի և լիբանանյան «Հեզբոլլահ» շարժման կողմից առաջիկա օրերին հնարավոր հարձակումներին և ենթադրում է, որ հարձակումները կարող են լինել մի քանի ճակատներից:
Ստեղծված իրավիճակում ԱՄՆ-ն ջանում է վերականգնել տարածաշրջանային կոալիցիան, որն այս տարվա ապրիլին կարողացել էր գրեթե ամբողջությամբ խափանել Իսրայելի վրա իրանական ուղղակի հարձակումը, որի ժամանակ Իրանն ավելի քան 300 հրթիռ և անօդաչու էր արձակել Իսրայելի ուղղությամբ՝ ի պատասխան Դամասկոսում իրանցի բարձրաստիճան բանակի գեներալների սպանությանը:
The unholy union of Pizza Hut and PS5 exhaust fumes has created the PIZZAWARMR, a 3D-printed box you can build for free to foul up your PlayStation and warm pizza
Топ 20 за 21 век: Metacritic назвал самые высокооценённые оригинальные игры за последние 25 лет
Valve gets the original Half-Life 2 development team back together for a huge 20th anniversary update—and the game is now free for the weekend on Steam
At last, democracy has come to Helldivers 2: A new Democracy Space Station lets players vote on which planet gets bombarded for truth and justice every 24 hours
Финал шоу «Вызов. Китайский сезон», откровения Лепса в Comedy Club, жёсткое наказание участников в «Звёздах в джунглях» и критика Бузовой в «Ярче звёзд»: что смотреть на ТНТ в выходные
Финал шоу «Вызов. Китайский сезон», откровения Лепса в Comedy Club, жёсткое наказание участников в «Звёздах в джунглях» и критика Бузовой в «Ярче звёзд»: что смотреть на ТНТ в выходные
Семья из Пермского края победила в конкурсе Ирины Дубцовой «Главное – Семья»
Linkin Park выпустили первый клип с новой солисткой
