Ըմբիշ Արսեն Հարությունյանը դուրս եկավ ՕԽ քառորդ եզրափակիչ
Եվրոպայի քառակի չեմպիոն, աշխարհի առաջնությունների եռակի բրոնզե մեդալակիր, ազատ ոճային ըմբիշ Արսեն Հարությունյանը Օլիմպիական խաղերի 1/8 եզրափակչում 13/3 հաշվով հաղթեց մեքսիկացի Ռոման Բրավո-Յանգին՝ դուրս գալով 1/4 եզրափակիչ:
Ըմբիշը երկրորդ անգամ է մասնակցում Օլիմպիական խաղերին:
Հիշեցնենք՝ հունահռոմեական ոճի ըմբիշ, Օլիմպիական խաղերի ոսկե, արծաթե և բրոնզե մեդալակիր, աշխարհի քառակի և Եվրոպայի յոթակի չեմպիոն, 97 կգ քաշային Արթուր Ալեքսանյանը կարիերայում երկրորդ անգամ դարձել է Օլիմպիական խաղերի փոխչեմպիոն:
Հունահռոմեական ոճի ըմբիշ, աշխարհի չեմպիոն, Եվրոպայի եռակի չեմպիոն, 77 կգ քաշային Մալխաս Ամոյանը բրոնզե մեդալ է նվաճել Փարիզում անցկացվող Օլիմպիական խաղերում:
Այս պահին Հայաստանը երեք մեդալ ունի Փարիզի Օլիմպիական խաղերում:
The post Ըմբիշ Արսեն Հարությունյանը դուրս եկավ ՕԽ քառորդ եզրափակիչ first appeared on MediaLab Newsroom-Laboratory.