Ռումինիայում նախագահական ընտրություններ են. պաշտոնին հավակնում է 13 թեկնածու
Ռումինիայում մեկնարկել են նախագահական ընտրությունները։ Ժամը 7:00-ին (Երևանի ժամանակով 9:00-ին) ամբողջ երկրում բացվել է շուրջ 19,000 ընտրատեղամաս, հայտնում է ՌԻԱ «Նովոստի»-ն։
Պետության ղեկավարն ընտրվում է հինգ տարով։ Նախագահի պաշտոնին հավակնում է 13 թեկնածու: Հաղթող կճանաչվի այն թեկնածուն, որը կհավաքի ձայների կեսից ավելին։ Եթե ոչ ոք չհավաքի անհրաժեշտ թվով ձայներ, երկու շաբաթից կկայանա երկրորդ փուլ, որտեղ հաղթելու համար պետք է հավաքել պարզ մեծամասնություն։