Բնակարան ձեռքբերողների շահերի պաշտպանությունից ելնելով՝ սահմանվել է բազմաբնակարան շենքերում ներքին հարդարման նվազագույն չափորոշիչների ապահովման պարտադիր պահանջ։ «Եթե մինչ այժմ կառուցապատողն էր որոշում՝ ինչ վիճակով բնակարանը հանձնել գնորդին, ապա այսուհետ կգործի միասնական մոտեցում, այլապես ավարտական ակտ չի տրամադրվի։ Դա կկանխի նաև փոշի առաջացնող աշխատանքների կատարումը շենքը շահագործման հանձնելուց և տարբեր ժամանակներում բնակեցվելուց հետո»,-ընդգծել է Եղիազար Վարդանյանը՝ տեղեկացնելով, որ առաջիկայում կհաստատվի նաև ներքին հարդարման նվազագույն աշխատանքների ցանկը։
