Բռնցքամարտի Հայաստանի կանանց ազգային հավաքականի անդամ, 51 կգ քաշային Անուշ Գրիգորյանը Բուլղարիայի մայրաքաղաք Սոֆիայում ընթացող Ստրանջայի 77-րդ միջազգային մրցաշարում երկրորդ անընդմեջ հաղթանակը տարավ։ Քառորդ եզրափակչում Եվրոպայի առաջնության բրոնզե մեդալակիրը միավորներով պարտության մատնեց Սերբիայի ներկայացուցիչ Նինա Ռադովանովիչին ու պայքարը կշարունակի կիսաեզրափակչում։ Իսկ դա նշանակում է, որ Անուշն իր համար արդեն իսկ ապահովել է բրոնզե մեդալ։
