Lengri dagsferð Fjallahjólaklúbbsins - 21 brúa sýn

Laugardaginn 26. júní ætlum við í dagsferð þar sem við hjólum yfir allar göngu- og hjólabrýr á höfuðborgarsvæðinu 21 talsins. Við hittumst við N1 í Fossvogi kl. 9:45 og hjólum af stað kl. 10. Leiðin liggur fyrst um Reykjavík, síðan í Mosó og þaðan um Norðlingaholt og Hvarfahverfi í Kópavogi og Breiðholt í Hafnarfjörð og tilbaka um Garðabæ að N1. Vegalengdin er um 70 km og því er ágætt að vera í sæmilegu formi og vanur að sitja á hjólinu. Þó það verði ekki farið mjög hratt verður meðalhraða haldið uppi. Ferðin gæti tekið 5-6 tíma með kaffistoppum.