სალომე ზურაბიშვილი: „ჩვენ ერთად ვთქვით საბოლოო და მტკიცე უარი წარსულზე“
„დღეს ჩვენს ქვეყანაში გაკეთდა პრინციპული არჩევანი. ამ არჩევანს აქვს ძალიან დიდი მნიშვნელობა დღევანდელი და ხვალინდელი საქართველოსათვის. ჩვენ ერთად ვთქვით საბოლოო და მტკიცე უარი წარსულზე, იმაზე, რაც ყველაზე მეტად შეაფერხებდა ჩვენი საზოგადოების გაძლიერებას, წინსვლას და განთავისუფლებას“, - განაცხადა პრეზიდენტობის დამოუკიდებელმა კანდიდატმა სალომე ზურაბიშვილმა ეგზიტპოლის პირველადი შედეგების გამოქვეყნების შემდეგ:
„ჩვენი არჩევანი მშვიდობიანი საქართველოა. თავისუფალი და თანასწორი მოქალაქეების ქვეყანა. ჩვენი არჩევანი საზოგადოების იმ ნაწილთან დიალოგია, ვინც ხმა არ მომცა და ვინც დღეს ჩემი თანამოაზრე არ არის, მაგრამ ჩვენ დღეს ყველანი ერთი ქვეყნის მოქალაქეები ვართ, ერთი პატარა ქვეყნის მოქალაქეები. ერთ სახელმწიფოში უნდა ვიცხოვროთ და უნდა გავამთლიანოთ ჩვენი ქვეყანა, უნდა დავაწყნაროთ და დავამშვიდოთ, ამიტომ მე დღეს გპირდებითს, რომ ყველაფერს ვიღონებ იმისთვის, რომ ამას მივაღწიოთ, რომ ჩვენ გავერთიანდეთ“.
პრეზიდენტობის დამუკიდებელმა კანდიდატმა, რომელსაც მმართველი პარტია უჭერს მხარს, ასევე ისაუბრა არჩევნების მშვიდობიან გარემოში ჩატარების მნიშვნელობაზე.
„ძალიან მნიშვნელოვანია, რომ დღევანელი არჩევანი მვშიდობიან გარემოში ჩატარდა და ეს უზრუნველყო ჩვენმა სახელმწიფომ. მადლობა იმათ, ვინც მოვიდა არჩევნებზე; ეს არის დემოკრატია და მაღალი აქტიურობა არის მაღალი დემოკრატიის ნიშანი. დაველოდები საბოლოო შედგებს, რათა საბოლლოოდ დაასტურდეს პრინციპული არჩევანი. ....მადლობა საოზგადოებას, რომელმაც თავისი სიტყვა თქვა; მადლიერი ვარ პარტიის, რომელმაც მხარი დამიჭირა; ჩემი ოჯახის, შვილების, რომლებმაც მომცეს რწმენა იმისა, რომ არ უნდა დანებდე, რომ არ უნდა შეგეშინდეს; ჩვენი ცხოვრების მთავარი მიზინი, რომელსაც უნდა მივაღწიოთ, ერთია: თანამდეროვე, განვითარებული და გაძლიერებული საქრათველო!" - განაცხადა სალომე ზურაბიშვილმა.