ჩოგბურთელი ნიკოლოზ ბასილაშვილი მეცის ტურნირს გამოეთიშა
მსოფლიოს რეიტინგში მე-17 ადგილზე მყოფი ქართველი ჩოგბურთელი მსოფლიოს 61-ე ჩოგანს - ჟო ვილფრიდ ცონგას დაუპირისპირდა და პირველი სეტი 7:5 მოუგო. მეორეში 3:6 დამარცხდა. გადამწყვეტ სეტში კი, მაშინ, როდესაც ანგარიში 4:1 იყო ცონგას სასარგებლოდ, ბასილაშვილმა თამაში ტრავმის გამო ვეღარ გააგრძელა.
მეცის ტურნირზე ნიკოლოზ ბასილაშვილი მეორე ნომრად იყო განთესილი. საქმეში მერვედფინალიდან ჩაერთო და გერმანელ იანიკ მადენს მოუგო - 6:2, 7:6.