რუმინეთის საპრეზიდენტო არჩევნებში მემარჯვენე კელინ ჯეორჯესკუ და მოქმედი პრემიერ-მინისტრი ლიდერობენ
წინასწარი მონაცემებით ჯეორჯესკუს ხმათა 22,16%-ი აქვს, მარსელ ჩოლაკუს - 20,38%. მესამე ადგილს იკავებს "რუმინეთის ხსნის კავშირის ლიდერი", ელენა ლასკონი (17,81%), რომელიც ეგზიტპოლების პირველადი მონაცემებით მეორე ადგილზე იყო.
თუ საბოლოო მონაცემით ვერც ერთი კანდიდატი ვერ დააგროვებს ამომრჩეველთა 50%-ზე მეტს, მაშინ 8 დეკემბერს რუმინეთში დაინიშნება არჩევნების მეორე ტური, რომელშიც პირველ და მეორე ადგილზე გასული კანდიდატები მიიღებენ მონაწილეობას.
8 დეკემბერს რუმინეთში პარალელურად საპარლამენტო არჩევნებიც გაიმართება.