დონალდ ტრამპმა საკუთარი კრიპტოვალუტის, $TRUMP-ის გამოშვების შესახებ განაცხადა
გაშვებიდან პირველ საათებში $TRUMP-ის მემკოინის კაპიტალიზაციამ სამ მილიარდ დოლარს მიაღწია, საათ-ნახევრის შემდეგ კი ოთხ მილიარდს გადააჭარბა.
პროექტის ვებგვერდი შექმნილია ტრამპის სტილში და შეიცავს ფრაზას "ბრძოლა, ბრძოლა, ბრძოლა", რომელიც ტრამპმა 2024 წლის ზაფხულში მკვლელობის მცდელობის შემდეგ წარმოთქვა.
ტრამპმა, რომელმაც ადრე კრიპტოვალუტებს თაღლითობა უწოდა, საარჩევნო კამპანიის დროს აზრი შეიცვალა. პირობა დადო, რომ შეერთებულ შტატებს "კრიპტოვალუტის მსოფლიო დედაქალაქად" აქცევს და ბიტკოინის ეროვნულ რეზერვს დააგროვებს.