მარკო რუბიო აშშ-ის სახელმწიფო მდივანი გახდა
სენატში კენჭისყრა ჩატარდა 20 იანვარს, ტრამპის ინაუგურაციიდან რამდენიმე საათის შემდეგ.
100-წევრიან სენატში, რომლის უმრავლესობაში რესპუბლიკელები არიან, რუბიოს კანდიდატურა 99 ხმით დაამტკიცეს. მარკო რუბიოს მხარდაჭერა გამოუცხადეს დემოკრატებმაც.
53 წლის მარკო რუბიო დონალდ ტრამპის ადმინისტრაციის თანამდებობაზე ოფიციალურად დამტკიცებული პირველი მაღალჩინოსანია.