ნორვეგიამ კაბელის დაზიანების ბრალდებით კიდევ ერთი ხომალდი დააკავა
პოლიციის ცნობით მოკვლევის პერიოდში ხომალდი პორტ ტრომსეს გემბანში იქნება გაჩერებული.
როდესაც კაბელი დაზიანდა, პეტერბურგიდან მურმანსკისკენ მცურავი ხომალდი "სილვერ დანია" ინციდენტის ადგილის მახლობლად იმყოფებოდა. ხომალდის დაკავება ლატვიის ხელისუფლების დაჟინებული მოთხოვნით განხორციელდა. პოლიცია იძიებს ხომალდის ინციდენტში შესაძლო მონაწილეობას.
ლატვიასა და შვედეთს შორის გადებული ოპტიკურ-ბოჭკოვანი კაბელი 26 იანვარს გაწყდა. კაბელი, რომელიც დაახლოებით 50 მეტრის სიღრმეზე გადის, სახელმწიფო სააქციო საზოგადოება ლატვიის სახელმწიფო რადიოსა და ტელევიზიის ცენტრს ეკუთვნის.
ბოლო თვეების განმავლობაში ბალტიის ზღვაში ორი სატელეკომუნიკაციო და ენერგეტიკული კაბელი დაზიანდა (უკანასკნელი ინციდენტის გარდა). ამჟამად ფინეთშია დაკავებული კუკის კუნძულების დროშით მცურავი ტანკერი Eagle S. გავრცელებული ინფორმაციით, ის ნაწილია რუსეთის „ჩრდილოვანი ფლოტისა“, რომელსაც მოსკოვი იყენებს ნავთობის ექსპორტზე სანქციების გვერდის ავლის მიზნით. ითვლება, რომ სწორედ ამ გემის ღუზამ გაჭრა ესტონეთისა და ფინეთის დამაკავშირებელი კაბელი Estlink 2. ფინეთის პრეზიდენტი ალექსანდერ სტუბი ამტკიცებდა, რომ კაბელის გაწყვეტა, სავარაუდოდ, რუსეთის მიერ მოწყობილი დივერსიაა.