ტრამპმა განაცხადა, რომ "დიდ შვიდეულში" რუსეთის დაბრუნებას ისურვებდა

აშშ-ის პრეზიდენტმა დონალდ ტრამპმა განაცხადა, რომ „სიამოვნებით“ დააბრუნებდა რუსეთს „დიდი შვიდეულის“( G7) რიგებში.

რუსეთს G7-ის შეხვედრებზე 2014 წლიდან აღარ იწვევენ - მას მერე, რაც უკრაინის ტერიტორია, ყირიმის ნახევარკუნძული, დაიკავა.

ტრამპმა 13 თებერვალს განაცხადა: „ვფიქრობ, დიდი შეცდომა იყო მისი გაგდება“, - იგულისხმა რუსეთის პრეზიდენტი ვლადიმირ პუტინი.

ტრამპმა თავისი პრეზიდენტობის პირველ ვადაშიც გამოთქვა რუსეთის ეკონომიკურად წამყვანი ქვეყნების გაერთიანებაში დაბრუნების სურვილი, მაგრამ მას ამაში მხარი არ დაუჭირეს ევროპელმა მოკავშირეებმა.

„დიდი შვიდეული“ 1975 წელს შეიქმნა, როგორც მსოფლიოს ეკონომიკურად წამყვანი, ლიბერალ-დემოკრატიული ფასეულობის მქონე სახელმწიფოების მეთაურების ფორუმი. მისი ამოცანაა მსოფლიო ეკონომიკის საკითხების განხილვა. ახლა ჯგუფში შედიან აშშ, ბრიტანეთი, გერმანია, იაპონია, იტალია, კანადა, ხოლო ევროკომისიას მეთვალყურის სტატუსი აქვს.

1998 წელს რუსეთის მიღებით ჯგუფი „დიდი რვიანი“ (G8) გახდა. რუსეთის მიერ ყირიმის ანექსიის შემდეგ, გაერთიანება კვლავ ძველ ფორმატს დაუბრუნდა.