ქუთაისის ერთ-ერთ კლინიკაში ქალი დაზიანებებით შეიყვანეს, დაწყებულია გამოძიება
არსებული ინფორმაციით, ქალი კლინიკაში მამაკაცმა მიიყვანა, რომელმაც იგი ქუთაისისა და იმერეთის ერთ–ერთი მუნიპალიტეტის დამაკავშირებელ გზაზე იპოვა.
შინაგან საქმეთა სამინისტროში რადიო თავისუფლებას უთხრეს, რომ საქმეზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. მათივე თქმით, საქმეზე საგამოძიებო მოქმედებები გრძელდება.