ლატვიის სეიმმა მხარი დაუჭირა რუსებისა და ბელარუსების მიერ უძრავი ქონების შეძენის აკრძალვას

ლატვიის პარლამენტმა, სეიმმა, პირველი მოსმენით მიიღო კანონპროექტი, რომელიც რუსეთისა და ბელარუსის მოქალაქეებს უკრძალავს ამ ქვეყანაში უძრავი ქონების შეძენას.


სააგენტო "დელფის" თანახმად, კენჭისყრა 20 თებერვალს გაიმართა. კანონპროექტს სახელწოდებაა: "ეროვნული უსაფრთხოებისათვის მუქარის შემცველი გარიგების აკრძალვის შესახებ" და იგი მოამზადეს სამთავრობო კოალიციაში შემავალმა პარტიამ "ახალმა ერთობამ", იუსტიციისა და საგარეო საქმეთა სამინისტროებმა.


გარდა რუსეთისა და ბელარუსის მოქალაქეებისა აკრძალვა გავრცელდება ამ ქვეყნის კომპანიებზე, უცხოურ კომპანიებზე, რომელთა მფლობელები რუსები და ბელარუსები არიან, ან იმ ლატვიურ კომპანიებზე, რომლებშიც რუსებსა და ბელარუსებს წილის არაუმცირეს მეოთხედი ეკუთვნით.