ზვავის შემდეგ რიკოთზე მოძრაობა აღდგა
დეპარტამენტის მიერ 26 თებერვალს, 03:45 საათისთვის გავრცელებული ინფორმაციით, რიკოთის მონაკვეთის 141-ე კილომეტრზე დასრულდა ჩამოწოლილი ზვავისგან გზის სავალი ნაწილის გაწმენდა და ავტოტრანსპორტის მოძრაობა სრულად აღდგენილია.
დაახლოებით საათ-ნახევრით ადრე საავტომობილო გზების დეპარტამენტი იუწყებოდა, რომ ზვავის ჩამოწოლის შედეგად ოთხი ავტომანქანა დაზიანდა, არავინ დაშავებულა.
დასავლეთ საქართველოში თითქმის ერთი კვირაა თოვს. განსაკუთრებულად რთული ვითარებაა გურიის და აჭარის რეგიონებში, სადაც ბევრი სოფელი გარესამყაროსაა მოწყვეტილი. არის მსხვერპლი. დაზიანებულია სახლები.