რუსეთმა იერიში მიიტანა ოდესაზე. დაზარალდნენ ადამიანები, დაზიანებულია საპორტო ინფრასტრუქტურა და ევროპული კომპანიის ხომალდი
"თავდასხმის შედეგად, დაზიანდა პორტის ინფრასტრუქტურა და სამოქალაქო გემი, რომელიც პანამის რესპუბლიკის დროშის ქვეშ დაცურავდა. იგი ეკუთვნოდა ევროპულ კომპანიას. დაშავდა ორი კაცი, პორტის თანამშრომლები", - წერს კიპერი სოციალურ ქსელ "ტელეგრამში".
რუსეთის არმია დრონებითა და ბალისტუკური რაკეტებით ბოლო ხანს რეგულარულად ახორციელებს იერიშებს ოდესის საპორტო და სამოქალაქო ინფრასტრუქტურაზე.
31 იანვარს რუსეთმა მორიგი სარაკეტო იერიში მიიტანა უკრაინის საპორტო ქალაქი ოდესაზე. ოფიციალური ცნობებით, სარაკეტო იერიშის შედეგად დაზიანდა იუნესკოს მფარველობაში არსებული ოთხი მუზეუმი, ფილარმონია და ისტორიული სასტუმრო „ბრისტოლი“, რომელიც XIX საუკუნეში აშენდა.