ტრამპმა ინგლისური ენა დაამტკიცა აშშ-ის ოფიციალურ ენად
"დიდხანს მომწიფდა აუცილებლობა ინგლისური ენის მიჩნევისა აშშ-ის ოფიციალურ ენად", - ნათქვამია განკარგულების ტექსტში. მასში ასევე ხაზგასმულია, რომ საერთო ენა "ხელს უწყობს და ზრდის სახელმწიფო მართვის ეფექტიანობას და გზას ხსნის სამოქალაქო აქტიურობისკენ". ამასთან აღნიშნულია, რომ აშშ-ში350-ზე მეტი ენა გამოიყენება.
ტრამპის განკარგულება ცვლის ბილ კლინტონის ფედერალურ მოთხოვნას, რომლის თანახმად სააგენტოები და ფედერალური საშუალებების სხვა მიმღები ენობრივ დახმარებას უწევდნენ პირებს, რომლებიც არ ლაპარაკობდნენ ინგლისურად. ამჟამად უწყებები თავად გადაწყვეტენ, სურთ თუ არა მათ მომსახურების გაწევა სხვა ენებზე.
ტრამპის ამჟამინდელი განკარგულება მოძრაობა "მხოლოდ ინგლისურის" წარმატებაა. გაზეთ "ნიუ-იორკ თაიმსის" თანახმად, ეს მოძრაობა იბრძვის აშშ-ში ორენოვანი განათლების შეზღუდვისა და იმიგრაციის შემცირებისთვის.
დონალდ ტრამპის მომხრეები მიესალმნენ მის ამ განკარგულებას. მაგრამ ამ ნაბიჯს ჰყავს მოწინააღმდეგეებიც, უმცირესობათა საკითხების საპარლამენტო წარმომადგენელმა ჰაკიმ ჯეფრისმა აღნიშნა, რომ ტრამპის მრავალი განკარგულების მსგავსად, ეს საჭიროებს ამერიკულ კონსტიტუციასთან და კანონებთან შესაბამისობის მხრივ შემოწმებას. შეუსაბამობის შემთხვევაში საჭირო იქნება ამ განკარგულების სასამართლოში გასაჩივრება.