ტრამპი უკმაყოფილოა რუსეთისა და უკრაინის ლიდერების განცხადებებით-თეთრი სახლი
მისი თქმით, ტრამპი " წარმოუდგენლად ბევრს მუშაობს რუსეთსა და უკრაინას შორის სამშვიდობო შეთანხმების მისაღწევად." ამასთან ლევიტმა არ დააკონკრეტა, თუ კერძოდ რომელმა განცხადებებმა გამოიწვია ტრამპის უკმაყოფილება.
თუმცა თავად ტრამპმა ადრე განაცხადა, რომ ის" განრისხებულია " პუტინის სიტყვებით ზელენსკის არალეგიტიმურობისა და უკრაინაში "გარდამავალი მმართველობის" შემოღების აუცილებლობის შესახებ.
ის რუსეთს ნავთობის ექსპორტზე მეორადი გადასახადებით დაემუქრა, თუ კრემლი უახლოეს მომავალში ზავს არ დათანხმდება. ამავე დროს, ტრამპის თქმით, პუტინი "დათანხმდება გარიგებას".
"მე არ მინდა მის ნავთობზე მეორადი ტარიფის დაკისრება, მაგრამ ვფიქრობ, ამას გავაკეთებდი, თუ ჩავთვლიდი, რომ ის (პუტინი) თავის ვერ ართმევს საქმეს", - აღნიშნა ტრამპმა პუტინთან დაკავშირებით.
აშშ-ი ის სახელმწიფო დეპარტამენტმა ასევე დაადასტურა, რომ ვაშინგტონმა (ისევე როგორც მანამდე კიევმა და გაერომ) უარყო პუტინის იდეა. "უკრაინა არის კონსტიტუციური დემოკრატია და მისი მმართველობა განისაზღვრება კონსტიტუციისა და უკრაინელი ხალხ მიერ,"- განაცხადა ტემი ბრიუსმა, სახელმწიფო დეპარტამენტის ოფიციალურმა წარმომადგენელმა.
ამასთან, აშშ-ის პრეზიდენტმა დონალდ ტრამპმა გააკრიტიკა უკრაინის ლიდერიც და განაცხადა, რომ ზელენსკის არ სურს ხელი მოაწეროს უკრაინის სასარგებლო წიაღისეულის შესახებ შეთანხმების აშშ-ს მიერ შემოთავაზებულ ვერსიას.
ტრამპის თქმით, ზელენსკიმ დოკუმენტის ხელმოწერის პირობად წამოაყენა უკრაინის ნატოში გაწევრიანების მოთხოვნა. აშშ-ის პრეზიდენტმა ხაზი გაუსვა, რომ ამას არ ეთანხმება და აღნიშნა, რომ პუტინმა უკრაინის წინააღმდეგ ომის დაწყების საბაბად სწორედ უკრაინის ნატოში გაწევრიანების სურვილი გამოიყენა.
ასეთი შეფასება ტრამპმა იანვრის დასაწყისშიც გამოთქვა.
აშშ-ის პრეზიდენტი დონალდ ტრამპი აცხადებს, რომ უკრაინის პრეზიდენტ ვოლოდიმირ ზელენსკის სასარგებლო წიაღისეულზე შეთანხმების პირობების გადახედვა სურს და გარიგებიდან გასვლას ცდილობს.
ტრამპის თქმით, თუ ზელენსკი ამას გააკეთებს, „დიდი პრობლემები“ ექნება. დონალდ ტრამპმა ეს 30 მარტს ჟურნალისტებს უთხრა პრეზიდენტის თვითმფრინავში, რომლითაც უქმე დღეების შემდეგ ფლორიდის რეზიდენციიდან ვაშინგტონში დაბრუნდა.
ზელენსკის მანამდე არ უსაუბრია NATO-ს წევრობაზე სასარგებლო წიაღისეულზე შეთანხმების კონტექსტში. უკრაინის პრეზიდენტმა აღნიშნა, რომ არ ეთანხმება შეერთებული შტატების მიერ შემოთავაზებული პროექტის რიგ დებულებებს, კერძოდ, უკრაინა იღებს ვალდებულებას აუნაზღაუროს შეერთებულ შტატებს 2022 წელს რუსეთის სრულმასშტაბიანი შეჭრის დაწყების შემდეგ გაწეული ყველა დახმარების ღირებულება.
თავის მხრივ, უკრაინა აშშ-ს შესთავაზებს ცვლილებების შეტანას სასარგებლო წიაღისეულის შესახებ შეთანხმების ახალ პროექტში, მათ შორის პირობას აშშ-ის ინვესტიციების გაზრდაზე. ამის შესახებ წყაროებზე დაყრდნობით იტყობინება სააგენტო Bloomberg-ი.