ნეთანიაჰუ ამ კვირაში არმიას ღაზაში ომის გეგმის შესახებ ინსტრუქციას მისცემს

ისრაელის პრემიერ-მინისტრმა, ბენიამინ ნეთანიაჰუმ 4 აგვისტოს გამოაცხადა, რომ კვირის ბოლოს კაბინეტის სხდომას მოიწვევს, რათა გადაწყვიტოს, თუ როგორ გააგრძელოს ღაზაში ომი.
AFP-ს მოჰყავს ნეთანიაჰუს სიტყვები: „ამ კვირაში, მოგვიანებით, კაბინეტის სხდომას მოვიწვევ, რათა [არმიას] ინსტრუქცია მივცე, თუ როგორ მიაღწიოს ჩვენს მიერ დასახულ ომის სამ მიზანს“, - განაცხადა მან მთავრობის სხდომის გახსნისას.

ისრაელის პრემიერმა კიდევ ერთხელ გაიმეორა, რომ ისრაელის ომის სამი მიზანი რჩება „მტრის დამარცხება, ჩვენი მძევლების გათავისუფლება და დაპირება, რომ ღაზა აღარ წარმოადგენს საფრთხეს ისრაელისთვის“.

5 აგვისტოს გაეროს უშიშროების საბჭო ისრაელელი მძევლების გარშემო იმსჯელებს.
ისრაელის 19-მა ყოფილმა სამხედრო და უშიშროების სამსახურების წარმომადგენლებმა ღაზაში დაუყოვნებლივ ომის შეწყვეტა მოითხოვეს.
მძევლების ახლობლებმა ნეთანიაჰუს მიმართ კრიტიკა გამოთქვეს ომის პოლიტიკის გამო.