საქართველოს პრემიერ-მინისტრი იტალიაში მომხდარი უბედური შემთხვევის გამო სამძიმრის წერილს აქვეყნებს. “ღრმა მწუხარებას გამოვხატავ იტალიაში, აბრუცოს რეგიონში, სამთო კურორტზე მომხდარი უბედურების გამო, სადაც მიწისძვრის შედეგად ჩამოწოლილმა ზვავმა ადამიანების სიცოცხლე შეიწირა. დაღუპულთა შორის არიან ტურისტებიც. მთელი გულით თანავუგრძნობ ამ ტრაგედიის მსხვერპლთა ოჯახებს, იტალიელ ხალხს, მთავრობას. გამოვთქვამ იმედს, რომ დროულად მოხდება დაკარგულთა მოძიება და გადარჩენა.” – ნათქვამია წერილში.
