Мажарлар ЭКСПО-ға салт атпен келеді

АСТАНА. ҚазАқпарат - Бүгін Астанадағы «Қазанат» ипподромында ата-бабаларымыздың асқақ рухы сезілді. Жиналған жұрт көшпенділер әлеміне сүңгіп, тарихтың қойнауынан батыр бабаларымыздың ұранын естігендей болды. Мажарстаннан келген «Мадияр Тұран» қорының мүшелері көшпенді халықтардың әскери өнерін паш етті. Олардың ішінде мажар ғалымы, антрополог Андраш Биро да бар, деп хабарлайды ҚазАқпарат тілшісі.