Оңтүстік Африкаға сапарында Ұлыбритания премьер-министрі Тереза Мэй Кейптаун мектептерінің бірін аралады. Британия басшысын мектеп оқушылары ән шырқап, би билеп қарсы алған. Биге Тереза Мэй де қосылып, жоғары сынып оқушыларымен сөйлескен. Соңынан ол Оңтүстік Африка президентімен кездесуге кеткен. Тереза Мэйдің бұл сапары Ұлыбританияның Африка елдерімен сауда қатынасына арналып отыр. Оңтүстік Африкадан кейін оның сапары Кения мен Нигерияда жалғасады.
