Еліміздің алты өңірінде ауа райының қолайсыздығына байланысты ескерту жарияланды
23 қаңтарда Қазақстанда қатты аяз болады. "Қазгидромет" синоптиктері ауа температурасының төмендеуіне, боран мен тұманға байланысты алты облыста ескерту жариялады, - деп хабарлайды Tengrinews.kz тілшісі.
23-24 қаңтарда түнде Ақмола облысында ауа температурасы 30-35 градусқа дейін төмендейді, кей жерлерде 38 градус аяз болады. Көкшетауда 23-24 қаңтарда түнде ауа температурасы 32-34 градусқа дейін төмендейді.
23 қаңтарда Атырау облысының кей жерлерінде тұман түсіп, көктайғақ болады. Атырауда тұман түсіп, көктайғақ болады.
Қарағанды облысының кей жерлерінде бұрқасын, тұман, көктайғақ күтіледі. Оңтүстік-батыстан жел соғады, кей жерлерде жылдамдығы секундына 15-20 метр болады.
Қостанай облысының кей жерлерінде бұрқасын болып, тұман түседі. Оңтүстік-батыстан соққан желдің жылдамдығы секундына 15-20 метрге жетеді.
23 қаңтарда Қызылорда облысының кей жерлерінде тұман түсіп, боран соғады. Оңтүстік-батыстан жел соғады, кей жерлерде екпіні секундына 15-20 метр, күндіз екпіні секундына 23 метр болады. Қызылордада 23 қаңтарда күндіз боран соғады. Оңтүстік-батыстан соғытын жел солтүстік-батыс желіне ауысады, күндіз екпіні секундына 15-20 метр болады.
23-24 қаңтарда түнде Солтүстік Қазақстан облысында ауа температурасы 30-35 градусқа дейін төмендейді, 24 қаңтарда түнде кей жерлерде 40 градусқа дейін қатты аяз болады. Петропавлда 23 қаңтарда түнде ауа температурасы 32-34 градусқа дейін төмендейді, 24 қаңтарда түнде 37-39 градус қатты аяз болады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!