Қазақстанда ұлттық жобаларға бөлінген бюджет игерілмегені үшін жауапкершілікті алып тастау ұсынылды
Қазақстанда ұлттық жобаларға бөлінген бюджет игерілмегені үшін жауапкершілікті алып тастау ұсынылды. Ұлттық экономика вице-министрі Азамат Әмрин бұл заңды басқаша өзгертуді ұсынды, - деп хабарлайды Tengrinews.kz тілшісі.
Ведомствоның бұл ұсынысын вице-министр Сенатта бюджеттік процестерді қайта жүктеу мәселелері бойынша уәкілетті мемлекеттік органдармен өткен кеңесте мәлімдеді.
"Ұлттық жобалар бізде индикаторларға байланысты, әрқайсысына лауазымды тұлға бекітілген. Егер индикатор бар болса, 3-5 жыл ішінде қаражат бөлінсе, бұл индикаторға қол жеткізу керек. Егер қол жеткізілмесе, онда бұл жағдайда жауапкершілік туындайды. Ұлттық жобалар бөлігінде бюджеттің игерілмегені үшін жауапкершілікті нәтижелерге қол жеткізбегені үшін жауапкершілікке ауыстыру ұсынылады", - деп ұсынды Әмрин Сенаттағы кездесу кезінде.
"Кез келген ұлттық жобаға ақша бөлінеді, тиісінше, орындалуы тиіс белгілі бір көрсеткіш бар. Блок бюджетінің идеясы ақшаның икемділігі мен еркін қозғалысы болып табылады. Егер қандай да бір жоба болса, онда осы жылы орындалмаған жағдайда, бұл ақшаны жылдан-жылға бағдарлама ішінде "жылжытуға" болады. Тиісінше, бізде қаражатты пайдалану бойынша еркіндік бар, бірақ біз индикаторды орындау үшін емес, игермегені үшін жауапкершілікті алып тастаймыз", - деп толықтырды Азамат Амрин.
Вице-министрдің айтуынша, Бюджет кодексіне сәйкес бюджет қаражатын орындамағаны үшін бірінші басшы жауапты болады.
"Бізде 10 ұлттық жоба бар және бір ұлттық жоба аясында қаражатты облыстар бойынша қайта бөлу мүмкіндігі қарастырылатын болады. Мысалы, бір облыста игеру жүріп жатыр, екіншісінде игерілмеген. Біз бұл қаражатты бір облыстан екінші облысқа ауыстыра аламыз. Яғни, еркіндік болады. Бұл өзгерістерді біз дәл Ұлттық жобалар үшін енгізгіміз келеді", - деп түйіндеді вице-министр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!