Алматыда тағы бір тұрғын үй кешені пәтер сатып алуға ұсынылмайтын үйлер тізіміне енді
Әкімдік мәліметінше, қазіргі уақытта Обсерватория көшесі, 104/4 мекенжайында орналасқан "Мечта" таунхаусы бойынша сот талқылаулары жүргізіліп және жеке тұрғын үй құрылысына арналған жерге салынып жатыр.
"Жоспардан тыс тексеру барысында Алматы қаласы қала құрылысын бақылау басқармасы тұрғын үй кешенінің 1-нүктесінен келісілген эскиздік жобадан ауытқуды тіркеді, 2-нүктеден рұқсат құжаттамасы болмағандығын анықтады. Бүгінде 1 орынды меншік иесі өз бетінше пайдалануға берді", - делінген хабарламада.
2022 жылғы 15 қыркүйекке дейінгі мерзімге ұйғарым бере отырып, тапсырыс берушіге қатысты ӘҚБтК-нің 316-бабының 1-бөлігі (жобалау (жобалау-сметалық) құжаттамасыз немесе талаптарды қоспағанда, белгіленген тәртіппен сараптамадан өтпеген жобалау (жобалау-сметалық) құжаттамасы бойынша нысандар мен олардың кешендерін салу (реконструкциялау, реставрациялау, кеңейту, техникалық қайта жарақтандыру, жаңғырту, күрделі жөндеу) бойынша шаралар қабылданғаны айтылды.
"Былтыр 14 қазаннан бастап тапсырыс беруші ӘҚБтК-нің 462-бабы бойынша нұсқаманы орындамағаны үшін (мемлекеттік бақылау және қадағалау органдары (лауазымды адамдар), мемлекеттік органдардың лауазымды адамдары өз құзыреті шегінде берген заңды талаптарды немесе нұсқамаларды, ұсынымдарды, қаулыларды орындамағаны немесе тиісінше орындамағаны үшін) жауапқа тартылды.
Басқарма нысанды пайдалануға қабылдау және бұзу актісінің күшін жою туралы сотқа талап арыз жолдады, сот талқылаулары жүріп жатыр", - делінген әкімдік хабарламасында.
Алматылықтарға пәтерлерді сатып алмай тұрып салынып жатқан ТҮК құжатының бар-жоғын қала құрылысын бақылау басқармасының +7 705 89 66 000 WhatsApp жедел желісі нөмірі бойынша тексеру керек екені ескертілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!