Түнгі тершеңдіктің себебі және одан қалай арылуға болады?

Терлеу ағзаның салқындау жүйесінің қалыпты бөлігі. Ол жылу бөлуге және дененің қалыпты температурасын ұстап тұруға көмектеседі. Біз ыстық мерзімде, жаттығу жасағанда және жүгіргенде терлейміз, бірақ түн ортасында жиі қатты терлеп ояну – қалыпты емес. Түнгі тершеңдік не үшін пайда болады және одан арылу үшін не істеу керек? Түнгі тершеңдікті тудыратын факторлар мен шарттар әртүрлі болуы […]

Сообщение Түнгі тершеңдіктің себебі және одан қалай арылуға болады? появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.

Терлеу ағзаның салқындау жүйесінің қалыпты бөлігі. Ол жылу бөлуге және дененің қалыпты температурасын ұстап тұруға көмектеседі. Біз ыстық мерзімде, жаттығу жасағанда және жүгіргенде терлейміз, бірақ түн ортасында жиі қатты терлеп ояну – қалыпты емес. Түнгі тершеңдік не үшін пайда болады және одан арылу үшін не істеу керек?

Түнгі тершеңдікті тудыратын факторлар мен шарттар әртүрлі болуы мүмкін, бірақ ағзаның реакциясы бір – ол өзінің ішкі температурасын сақтауға тырысып жатыр.

Еш зияны жоқ себептер бар: жатын бөлмедегі жоғары температура немесе өмір салтының өзгеруі (физикалық жаттығулардың көбеюі). Физиологиялық себептер болады: етеккір үзілісі, жұқпалар, аурулар немесе дәрілер ішу.

Түнгі тершеңдік – кез келген адамда пайда болуы мүмкін проблема. Бұл ерлерге қарағанда әйелдерде жиі кездеседі. Оның басты себебі – гормондар деңгейінің өзгеруі.

Гормондар

Әйелдердің шамамен 80%-ы етеккір үзілісі кезінде түнгі тершеңдікпен қиналады. Бұл етеккірі тоқтаған әйелдерді тек түнде емес, күндіз де мазалауы мүмкін. Қарқынды тер бөліну кезінде эстроген деңгейінің өзгерісі байқалады.

Сондай-ақ гормондар, әсіресе, тестостеронның төмен болуы ерлердегі түнгі тершеңдікке әсер етеді.

Жұқпалар мен аурулар

Жұқпамен күресу кезінде жиі дене температурасы көтеріледі. Бұл тер бөлінуді ынталандырады. Сондықтан жұқпалар, тұмау түнгі тершеңдіктің себебі болуы мүмкін. Алайда ауырғанда тершеңдік жалғыз белгі болмайтынын ескеру қажет.

Дәрілер

Түнгі тершеңдікті тудыратын дәрілер бар. Бұл тер бөлінуді бақылайтын және ынталандыратын ми бөлігіне әсер ететін құралдар. Сондай-ақ алкогольді жиі ішу түнгі тершеңдіктің себебі болуы мүмкін.

Күйзеліс

Мазасыз және уайымшыл адамдар түнгі тершеңдікпен қиналады. Ұйықтар кезде қатты уайымдасаңыз және түнгі тершеңдікпен қиналсаңыз, орныңыздан тұрып, аздап қозғалып, қараңғылау бөлмеде тыныштандыратын іспен айналысқан жөн.

Апноэ

Түнгі тершеңдік жиі ұйқы бұзылуымен байланысты. Мысалы, апноэ. Апноэ — ұйқы кезінде тыныс алудың қысқа уақытқа тоқтауы. Көбінесе ол 20-30 секундқа созылады, бірақ ауыр жағдайларда ол 2-3 минутқа созылуы мүмкін. Адам қорылдайды, оның ұйқысы үстірт болады, осыған байланысты үнемі шаршау және тітіркену пайда болады. Апноэны дәрігер емдеуі керек, әйтпесе ауыр зардаптарға әкелуі мүмкін.

Жаттығулар

Жоғары қарқынды жаттығулармен айналысқан адам түнде де терлеуі мүмкін. Қарқынды жаттығулар қалқанша безді ынталандырып, негізгі зат алмасуды және дене температурасын жаттығудан соң 14 сағатқа дейін көтереді. Сондықтан қарқынды жаттығуды күндіз жасасаңыз да, түнде терлеуіңіз мүмкін. Әдетте, ағзаның мұндай реакциясы тым көп жаттығып қойғаныңызды көрсетеді.

Түнгі тершеңдік кезінде не істеу керек?

Егер түнде жиі терлесеңіз, ол сіздің ұйықтауыңызға кедергі келтірсе, салмақ тастасаңыз, оның себебін анықтау үшін дәрігерге көрініңіз.

Сондай-ақ мына ережелерді сақтаңыз:

Салқындау бөлмеде ұйықтаңыз;
Мақта матадан немесе зығырдан тігілген киім киіп жатыңыз;
Жеңіл төсек пайдаланыңыз, синтетикалық талшықтардан бас тартыңыз;
Салқындатушы матрасқа және жастыққа мән беріңіз, ауа ағынын шектейтін поролон заттардан аулақ болыңыз;
Ұйықтар алдында ащы тамақ жемеңіз, кофеин мен алкоголь ішпеңіз.

Ақпарат дереккөзі:  massaget.kz

Сообщение Түнгі тершеңдіктің себебі және одан қалай арылуға болады? появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.